АҚШда самолёт ҳалокатга учради, тўрт киши ҳалок бўлди

ASTANA. Kazinform - АҚШнинг Иллинойс штатида бир двигателли самолётнинг қулаши оқибатида тўрт киши ҳалок бўлди, деб хабар беради Kazinform агентлиги мухбири.

Ҳуқуқ-тартибот идораларига кўра, воқеа шанба куни штатнинг марказий қисмида содир бўлган.

“Самолёт очиқ майдонга қулаб тушди ва бортдаги барча тўрт киши воқеа жойида ҳалок бўлди”, — деди Коулс округи терговчиси Эд Шниерс.

АҚШ Миллий Транспорт хавфсизлиги кенгашининг (NTSB) дастлабки маълумотларига кўра, самолёт қулаганида электр узатиш линияларига тегиб кетган. Ҳодиса сабабларини аниқлаш бўйича тергов ҳаракатлари олиб борилмоқда.