АҚШ ва Хитой 90 кунлик тарифлар камайтирилиши тўғрисида келишувга эришди

ASTANA. Kazinform – АҚШ ва Хитой Швейцарияда ўтказилган музокаралар натижасида савдо уруши доирасида бир-бирларига нисбатан жорий этган экспорт божларини 90 кунлик муддатга камайтиришга келишиб олди, деб хабар беради BBC.

АҚШ молия вазири Скотт Бессент Вашингтон ва Пекин бож тўловларини вақтинчалик 115%гача камайтиришини маълум қилди.

Бундан аввал АҚШ ва Хитой делегациялари Швейцарияда музокаралар ўтказган эди. Бессент ушбу музокараларни «самарали ва конструктив» деб баҳолаган.

Бу икки давлат ўртасидаги биринчи расмий музокаралар бўлди — улар АҚШ президенти Дональд Трамп Хитойдан келаётган товарларга 145% бож жорий этганидан ва Пекин 125% жавоб тарифи билан реакция билдирганидан сўнг амалга ошди.

Эндиликда Хитойдан келаётган товарларга АҚШ жорий этган божлар 30%гача камайтилади, АҚШдан Хитойга экспорт қилинаётган товарларга эса хитойлик бож 10%га туширилади. Бу келишув 90 кун мобайнида амал қилади.