АҚШ Мексика товарларига божларни тўхтатди

ASTANA. Кazinform – Тўхтатиб туриш тўғрисидаги қарор бир ой давомида ўз кучида қолади, дея хабар беради Kazinform агентлиги ТАССга таяниб.

Мексика президенти Клаудия Шейнбаум АҚШ президенти Дональд Трамп билан телефон орқали гаплашганидан сўнг Вашингтон Мексика товарларига 25 фоизлик божларни бир ойга тўхтатиб қўйишини маълум қилди.

— Бундан буён [АҚШ томонидан жорий қилинган] тарифлар бир ойга тўхтатилади, — деб ёзган Шейнбаум ўзининг Х саҳифасида.

Шейнбаум АҚШ президенти Трамп билан суҳбат чоғида икки томонлама муносабатлар ва Мексика суверенитетига катта ҳурмат борлигини айтди.

— Мексика гиёҳванд моддалар, хусусан, фентанилнинг Мексикадан АҚШга олиб ўтилишига йўл қўймаслик учун зудлик билан 10 минг нафар Миллий гвардия аскарлари билан шимолий чегарасини мустаҳкамлайди, — деди Шейнбаум.

Унинг сўзларига кўра, Қўшма Штатлар Мексикага ноқонуний қурол-яроғ етказилишининг олдини олишга ҳаракат қилмоқда.

— Бугундан бошлаб жамоаларимиз икки йўналишда ишлайди: хавфсизлик ва савдо, - деди Мексика президенти.

Эслатиб ўтамиз, аввалроқ АҚШ президенти 1 февралдан Мексика, Канада ва Хитойдан олиб келинадиган маҳсулотларга тарифлар жорий қилиши ҳақида хабар берган эдик.