АҚШ 100 га яқин давлатга 10 фоизлик бож жорий қилади

ASTANA. Kazinform - Қўшма Штатлар Вашингтон билан адолатли савдо музокараларига кирган давлатларга 10 фоизлик бож жорий қилади. Бу ҳақда АҚШ молия вазири Скотт Бессент маълум қилди, дея хабар беради ТАСС.

"Президент Трамп ҳалоллик билан музокара олиб бораётган мамлакатларни қўллаб-қувватламоқчи. Ўйлайманки, божлари пастроқ бўлган давлатлар сони 100 га яқин бўлади ва кўрамиз", - деди у Bloomberg TVтелеканалига берган интервьюсида.

Бессентнинг сўзларига кўра, 9 июлгача, яъни савдо битимини тузиш муддати тугайдиган бир ҳафта ичида Қўшма Штатлар бошқа давлатлар билан кўплаб битимлар имзолайди.

2 апрелда АҚШ президенти Дональд Трамп 185 мамлакат ва ҳудуднинг маҳсулотларига бож жорий этишини маълум қилди. 10 фоизлик универсал тариф 5 апрелдан, индивидуал тарифлар эса 9 апрелдан кучга кирди.

Шу куни АҚШ президенти жавоб тарифларининг бир қисмини амалга оширишни 90 кунга тўхтатди. Оқ уйнинг таъкидлашича, бунга савдо бўйича маслаҳатлашувлар сабаб бўлган.

Ҳозирча 10 фоизлик универсал тариф амалда қолмоқда. Трамп 27 июнда аниқлик киритишича, Қўшма Штатлар бир ярим ҳафта ичида индивидуал келишувга эриша олмаган давлатларни хабардор қилади.

Аввалроқ Хитой АҚШ билан савдо келишувини тасдиқлагани ҳақида хабар берган эдик.