Аида Балаева ҳунармандлар энг кўп тўпланган ҳудудларни номлади

ASTANA. Kazinform – ҚР Маданият ва ахборот вазири Аида Балаева креатив индустрияни рақамлаштириш бўйича Ҳукумат йиғилишида ҳунармандлар энг кўп тўпланган ҳудудларни номлади.

“Ҳунармандлар сони бўйича етакчи шаҳарлар: Алмати – 1 нафар, Астана – 1349 нафар, Чимкент – ​​1254 нафар, Туркистон вилояти – 969 нафар. Бундан ташқари, МЧЖларнинг 40 фоизи ахборот технологиялари соҳасига тегишли”, – деди вазир.

Унинг сўзларига кўра, Қозоғистонда креатив соҳаларда 143,6 минг киши банд.

“Бугунги кунда Қозоғистонда креатив индустрия 12 йўналишда ривожланиб, иқтисодий фаолиятнинг 43 турини ўз ичига олади. Республикада рўйхатга олинган креатив саноати билан шуғулланувчи субъектлар сони 45 минг 597 тани ташкил этиб, уларнинг мамлакатимиз иқтисодиётидаги умумий қўшилган қийматдаги улуши 1 фоизни ташкил этади. Креатив саноат субъектларининг 50 фоиздан ортиғи Алмати ва Астана шаҳарларида тўпланган бўлиб, уларнинг 70 фоизи хусусий тадбиркорлардир. Йўналишларга кўра, энг кўп кичик ва ўрта бизнес субъектлари “миллий тадбиркорлик” йўналишига тўғри келади – 12 минг 660 та”, – деди Аида Балаева.

Эслатиб ўтамиз, ўтган йил кузда Қозоғистон креатив индустрилар бўйича жаҳон рейтингида 28 поғонага кўтарилган эди.