Агар Росатом Қозоғистонда АЭС қурса, Туркиядаги вазият такрорланмайдими – Бектенов жавоби

ASTANA. Kazinform – ҚР Бош вазири Олжас Бектенов Ҳукумат йиғилишидан кейинги матбуот анжуманида бу саволга жавоб берди.

“Биласизми, Росатом АЭС қурилишини якунлай олмай, Туркиядаги 49 фоиз улушини сотишни режалаштирмоқда. Қозоғистонда ҳам худди шундай ҳолат юзага келса, қўшимча режаларингиз борми?” – деб сўради журналист.

Ҳукумат раҳбари икки лойиҳани амалга ошириш моделлари турлича эканлигини тушунтирди.

“Туркиядаги атом электр станцияси учун бутунлай бошқача схема қўлланилади. Вuild-own-operate моделидан (қуриш-эгаллаш-бошқариш) фойдаланилмоқда. Росатом АЭСни Туркияда қуради ва унинг эгаси бўлади. Ва бизда бу бутунлай бошқача. Бизнинг Қозоғистон атом электр станциямиз Қозоғистонга тегишли бўлади. Шунинг учун Туркиядагига қараганда рисклар камроқ бўлади деб ўйлаймиз. Албатта, биз Россия томони ва ҳамкасбларимиз билан Қозоғистон учун жуда муҳим бўлган ушбу лойиҳанинг муаммосиз ва ўз вақтида амалга оширилишини таъминлаш учун ишлаймиз”, — деди Олжас Бектенов.