Абу-Даби валиаҳд шаҳзодаси Қозоғистонга ташриф буюради

ASTANA. Kazinform – Абу-Даби валиаҳд шаҳзодаси 11-12 май кунлари расмий ташриф билан Қозоғистонда бўлади. Бу ҳақда Ақорда матбуот хизмати хабар берди.

11-12 май кунлари Абу-Даби валиаҳд шаҳзодаси Шайх Холид бин Муҳаммад бин Зоид Ол Наҳаён расмий ташриф билан Қозоғистонга келади.

“Президент Қасим-Жомарт Тоқаев билан музокаралар чоғида Қозоғистон ва БАА ўртасидаги стратегик шерикликни мустаҳкамлаш истиқболлари муҳокама қилинади ва қатор икки томонлама ҳужжатлар имзоланади”, – дейилади Ақорда баёнотида.

Аввалроқ Қасим-Жомарт Тоқаев Венесуэла Президентини Қозоғистонга давлат ташрифи билан келишга таклиф қилган эди.