2024 энг иссиқ йил сифатида қайд этилди

BRUSSELS. Kazinform – Жорий йилда ўртача глобал ҳарорат аномалияси 1991-2020 йиллардаги ўртача ҳароратдан 0,72 даражага юқори бўлди, деб ёзади Anadolu.

Европа Иттифоқининг (ЕИ) Copernicus сунъий йўлдош мониторинги тизимига кўра, 2024 йил тарихдаги “энг иссиқ йил” бўлган.

Маълумотларга кўра, ўтган ой "иккинчи энг иссиқ ноябрь" бўлиб, ўртача ҳарорат 14,10 даражани ташкил қилган.

Бу 1991-2020 йиллардаги ноябрь ойидаги ўртача кўрсаткичдан 0,73 даражага юқори.

2024 йилда (январь-ноябрь) ўртача глобал ҳарорат аномалияси 1991-2020 йиллардаги ўртача ҳароратдан 0,72 даражага юқори бўлди. Бу кўрсаткич 2023 йилнинг мос даврига нисбатан 0,14 даражага иссиқроқ эканлигини кўрсатди.

Шу тариқа, “2024 йил тарихдаги энг иссиқ йил бўлади” деган башорат тасдиқланди.

Copernicus Climate Change Service (C3S) директори ўринбосари Саманта Бержесснинг айтишича, 2024 йил нафақат рекорд даражадаги энг иссиқ йил, балки глобал ҳарорат 1,5 даражадан ошиб кетадиган биринчи йил бўлди.

Шу билан бирга, Бержесс "иқлим ўзгаришига қарши чораларини кўриш жуда муҳим"лигини қўшимча қилди.