Жорий йилнинг 9 ойида Қозоғистон ва Сербия ўртасидаги товар айирбошлаш ҳажми 52,9 миллион долларга етди

ASTANA. Кazinform – Белградда Қозоғистон ва Сербия ташқи сиёсат идораларининг савдо-иқтисодий ва маданий-гуманитар соҳалардаги ҳамкорликни кенгайтиришга қаратилган учрашуви бўлиб ўтди. Бу ҳақда Kazinform Қозоғистон Республикаси Ташқи ишлар вазирлигига таяниб мухбири хабар беради.

«Қозоғистон ва Сербия томонлар кун тартибидаги долзарб масалаларни муҳокама қилдилар, шунингдек, сиёсий, савдо-иқтисодий, сармоявий ва маданий-гуманитар соҳаларда ўзаро манфаатли ҳамкорликни янада мустаҳкамлаш истагини тасдиқладилар. Бундан ташқари, кўп томонлама форматдаги ўзаро ҳамкорлик ва халқаро масалаларга алоҳида эътибор қаратилди.

Сербия Қозоғистоннинг Болқон минтақасидаги муҳим ҳамкори ҳисобланади. Жорий йилнинг 9 ойи якунларига кўра, ўзаро товар айирбошлаш ҳажми 52,9 миллион долларга етди. Бу ўтган йилга нисбатан 3,7 баробар кўпдир. Қозоғистонда сербия капитали иштирокидаги 36 та корхона фаолият юритмоқда», — дейилади вазирлик хабарида.

Учрашувда томонлар қишлоқ хўжалиги, туризм, энергетика ва ҳарбий-техникавий соҳалардаги ҳамкорликни янада оширишга асосланган ишларни амалга ошириш ниятида эканликларини билдирдилар.