Жорий йилнинг 4 ойида 45,1 минг хонадон фойдаланишга топширилди
ASTANA. Kazinform – Жорий йилнинг 4 ойида 45,1 минг хонадон фойдаланишга топширилди. Бу ҳақда ҚР Саноат ва қурилиш вазирлигининг Қурилиш ва уй-жой коммунал хўжалиги масалалари қўмитаси раиси Бақитжан Жунисбеков маълум қилди.
“Қурилиш иқтисодиётнинг асосий тармоқларидан биридир. 2024 йил якунлари бўйича қурилиш соҳасида ижобий натижаларга эришилди. Республика бўйича 18,9 миллион квадрат метр янги уй-жой ёки 170,5 минг хонадон барпо этилди. Ўтган йили давлат сармояси ҳисобидан 30,6 минг хонадон қурилиб, 9 мингта имтиёзли кредит берилди”, – деди у Марказий коммуникациялар хизматида бўлиб ўтган брифингда.
Жорий йилда иқтисодий ўсишни таъминлаш бўйича устувор чора-тадбирлар режасига мувофиқ, 2025 йилгача фуқароларни уй-жой билан таъминлаш бўйича қўшимча чора-тадбирларни амалга ошириш билан 19,2 миллион квадрат метр уй-жой ёки 176,6 минг хонадон қуриш режалаштирилганини таъкидлади.
“Жорий йилнинг 4 ойида 4,9 миллион квадрат метр уй-жой ёки 45,1 минг хонадон фойдаланишга топширилди. Давлат кўмагида жорий йилда “Қозоғистон уй-жой компанияси” томонидан ҳокимликларга облигациялар ссудаси бериш ҳисобига 12 мингта, республика бюджети ҳисобидан 5,1 мингта ижарага бериладиган уй-жой сотиб олиш режалаштирилган”, — деди Бақитжан Жунисбеков.
