Жорий йилда Қозоғистонда 100 та бозор модернизация қилинади

ASTANA. Kazinform - Қозоғистонда бозорларни модернизация қилиш ишлари бошланди. Бу ҳақда ҚР Савдо ва интеграция вазирлиги савдо қўмитаси раиси Аидар Абилдабеков маълум қилди.

“2025 йилда 100 та бозорни модернизация қилиш режалаштирилган. “Йўл харитаси”га кўра, бозорларни модернизация қилиш бўйича қурилиш ишлари, яъни эскиз лойиҳалари, лойиҳа-смета ҳужжатлари ишлаб чиқилмоқда. Керакли ҳужжатлар келишиб олиниб, тасдиқланиб, геодезия ишлари олиб борилмоқда, шунингдек, ҳудудларни девор билан ўраш, омборхоналарни бузиш ва бошқа ишлар амалга оширилмоқда. Савдо бозорлари ҳолатини ўрганиш мақсадида вазирлик вакиллари февраль, март, апрель ойларида бозорларга ташриф буюради. Ташриф давомида барча вилоятлардаги бозорлар батафсил инвентаризация қилинади”, - деди Айдар Абилдабеков Марказий коммуникациялар хизмати майдонида бўлиб ўтган матбуот анжуманида.

Унинг таъкидлашича, бозорларни модернизация қилиш ишлари маҳаллий ҳокимликлар, Давлат даромадлари қўмитаси, фавқулодда вазиятлар хизмати, Давлат архитектура ва қурилиш назорати бошқармаси, санитария-эпидемиология хизмати вакиллари билан ҳамкорликда амалга оширилади.

Янгиланиши керак бўлган бозорлар:

• Астана шаҳри - 7 та бозор;
• Алмати шаҳри - 10 та бозор;
• Абай вилояти - 3 та бозор;
• Ақмола вилояти – 1 та бозор;
• Ақтўбе вилояти - 2 та бозор;
• Алмати вилояти - 11 та бозор;
• Атирау вилояти - 4 та бозор;
• Шарқий Қозоғистон вилояти - 3 та бозор;
• Жамбил вилояти - 3 та бозор;
• Жетису вилояти - 6 та бозор;
• Ғарбий Қозоғистон вилояти - 14 та бозор;
• Қарағанди вилояти - 5 та бозор;
• Қостанай вилояти – 4 та бозор;
• Қизилўрда вилояти – 4 та бозор;
• Ман-истау вилояти – 5 та бозор;
• Павлодар вилояти - 8 та бозор;
• Туркистон вилояти – 8 та бозор;
• Улитау вилояти - 2 та бозор.