Жаҳон банки Ўзбекистоннинг иқтисодий ўсишини 5,8 фоиз даражасида прогноз қилмоқда

ТASHKENT. Кazinform - Жаҳон банкининг Европа ва Марказий Осиё мамлакатлари иқтисодий ривожланишини таҳлил қилувчи “Глобал иқтисодий истиқболлар” ҳисоботи эълон қилинди, деб хабар беради Kazinform мухбири.

Жаҳон банки иқтисодчиларининг ҳисоб-китобларига кўра, Ўзбекистон ялпи ички маҳсулоти ўтган йили 6 фоизга ўсган. Ташкилот прогнозларига кўра, Ўзбекистон иқтисодиёти 2025 йилда 5,8 фоизга, 2026 йилда эса 5,9 фоизга ўсиши мумкин.

Эслатиб ўтамиз, ўтган йили Ўзбекистон ялпи ички маҳсулоти 115 миллиард долларга етган эди. Шу билан бирга, хорижий инвестициялар ҳажми 1,6 баробар ошиб, қарийб 35 миллиард долларга етди.

Аввал хабар қилинганидек, Ўзбекистоннинг Жаҳон савдо ташкилотига аъзо бўлиш жараёни якунланиш арафасида.

Муаллиф: Алихан Асқар