Юнон-рум кураши бўйича Қозоғистон терма жамоаси Венгриядаги турнирда иккинчи ўринни эгаллади

ASTANA. Kazinform – Қозоғистоннинг юнон-рум кураши бўйича терма жамоаси Венгрия пойтахти Будапешт шаҳрида ўтказилган халқаро турнирда умумжамоа ҳисобида иккинчи ўринни эгаллади.

Халқаро турнирда 25 давлатдан 188 нафар спортчи куч синашди. Қозоғистон терма жамоаси вакилларидан Марлан Муқашев (55 кг) кумуш медални қўлга киритган бўлса, Ержет Жарилқасин (63 кг) ва Алимхан Сиздиқов (130 кг) кучли учликдан жой олди.

Халқаро турнирда хотин-қизлар курашида Жамила Бақбергенова (72 кг) кумуш, эркин кураш бўйича Нилуфар Раимова (57 кг), Эльмира Сиздиқова (76 кг) ва Асилжан Есенгелди (61 кг) бронза медалини қўлга киритди.