Янник Синнер илк бор Уимблдон финалида ғалаба қозонди

ASTANА. Кazinform — Дунёнинг ракеткаси, италиялик Янник Синнер Уимблдон турнирида муваффақият қозонди.

Италиялик спортчи финалда жаҳоннинг 2-ракеткаси ва ўтган йилги чемпион, испаниялик Карлос Алькарасга қарши баҳс олиб борди.

Рақиблар бунгача 12 марта тўқнаш келишган, уларнинг саккизтасида испаниялик теннисчи ғалаба қозонган.

Бу сафар биринчи сетда К.Алькарас ютди — 6:4. Аммо шундан сўнг Я.Синнер камбэк қилиб, ғалаба қозона олди - 6:4, 6:4, 6:4.

Бунгача Ролан Гаррос турнири финалида К.Алькарасга беш сет давом этган баҳсда мағлуб бўлган италиялик теннисчи реванш олди.

Шу тариқа, 23 ёшли Янник Синнер Уимблдонда илк бор чемпион бўлди. Бу унинг 20-профессионал чемпионлик унвони ва “Катта Дубулға” турнирларидаги тўртинчи чемпионлиги.

“Катта дубулға” турнирларининг беш карра чемпиони К.Алькарас эса илк бор финалда мағлуб бўлди. Шу тариқа у ўтган йилги Уимблдондаги муваффақиятини такрорлай олмади.

Эслатиб ўтамиз, аввалроқ аёллар ўртасидаги баҳсларда Ига Швентек Уимблдон-2025 чемпиони бўлгани ҳақида хабар берган эдик.