Венгрия Қозоғистонда АЭС қуриш учун ўз технологиясини таклиф қилди
ASTANA. Kazinform – Венгрия ташқи иқтисодий алоқалар ва ташқи ишлар вазири Питер Сийярто Қозоғистонда атом электр станциясини қуриш технологияси билан бўлишишга тайёрлигини маълум қилди.
“Қозоғистон атом электр станцияларини қуришга қарор қилди. Ўйлайманки, технология ва атом энергетикаси соҳасидаги тажрибамиз Қозоғистон учун мос келади”, – Питер Сийярто Қозоғистонга расмий ташрифи чоғида.
Хорижлик меҳмон, шунингдек, томонлар стратегик шартнома тузишни режалаштираётгани, унинг доирасида Венгриянинг MOL нефть-газ компанияси Қозоғистонда янги конларни ўзлаштириш соҳасидаги лойиҳаларни амалга оширишда иштирок этишини маълум қилди.
“Венгрия компаниялари қишлоқ хўжалигини модернизация қилишда муҳим ўрин тутади ва тез орада умумий қиймати 25 миллион доллар бўлган янги корхоналар очади”, – деди Петер Сийярто.
Эслатиб ўтамиз, бугун Венгрия ташқи иқтисодий алоқалар ва ташқи ишлар вазири Петер Сийярто расмий ташриф билан пойтахтга келди.
