Ўзбекистонда ёқилғи қуйиш шохобчасидаги портлаш оқибатида бир киши ҳалок бўлди

TASHKENT. Kazinform – Фарғона вилоятидаги ёқилғи қуйиш шохобчасида рўй берган портлаш ва ёнғин натижасида бир киши ҳалок бўлди. Бу ҳақда Uzdaily.uz хабар берди.

Вилоят Фавқулодда вазиятлар бошқармаси матбуот хизмати хабарига кўра, ҳодиса Фарғона шаҳри Аҳмад Яссавий кўчасида жойлашган ёқилғи қуйиш шохобчасида содир бўлган.

Тўрт киши жароҳатланган, саккиз киши шифокорлар назоратида.

ФВБ хабарига кўра, портлаш соат 13:43 да суюлтирилган газни чиқариш вақтида содир бўлган. Ҳодисага технологик жараён ва хавфсизлик қоидаларига риоя қилмаслик сабаб бўлган.

Воқеа жойига ўт ўчирувчилар соат 13:47 да етиб бориб, соат 14:02 да ёнғинни ўраб олди ва 14:12 да тўлиқ ўчиришди.

Воқеа содир бўлган жойда ёнғин оқибатларини бартараф этиш бўйича ёнғин хавфсизлиги бўлинмаси шахсий таркиби, мутасадди ташкилотлар вакиллари, шунингдек, тегишли вазирлик ва идоралар раҳбарлари иштирокида тезкор ишлар ташкил этилди, дейилади хабарда.