Ўзбекистонда уруш фахрийлари “Ғалабанинг 80 йиллиги” медали билан тақдирланади
TASHKENT. Kazinform – Ўзбекистон Президенти Шавкат Мирзиёев Ғалабанинг 80 йиллигини нишонлаш тўғрисидаги қарорни имзолади, деб хабар беради Kazinform агентлигининг Ўзбекистондаги мухбири Алихан Асқар.
Ҳужжатга кўра, Улуғ Ватан уруши фахрийларига 10 минг доллар миқдорида бир марталик пул мукофоти берилади. Бундан ташқари, ушбу тоифадаги шахсларга тенглаштирилган ўзбекистонликларга 25 миллион сўм (тахминан 970 минг тенге) берилади.
1941-1945 йилларда фронт эҳтиёжлари меҳнатга далб қилинган фуқаролар 3 миллион сўм (116 минг тенге) олади.
Фармонга кўра, мазкур йўналишдаги харажатлар республика бюджети маблағлари ҳисобидан тўланади.
Шунингдек, уруш фахрийлари Ғалабанинг 80 йиллиги медали билан тақдирланади, турли тадбирлар ташкил этилади. Ҳужжатга кўра, Тошкент шаҳрида 9 май куни соат 21:00 да байрам салюти отилади.
Бундан ташқари, бу йил Иккинчи жаҳон урушидаги Ғалабанинг 80 йиллиги муносабати билан МДҲ давлатларида 2025 йил “Ғалабанинг 80 йиллиги ва нацизмга қарши курашда бирдамлик йили” деб эълон қилинди.
