Ўзбекистонда қариндошлар ўртасидаги никоҳни тақиқлаш таклиф этилди

ТASHKENT. Кazinform - Ўзбекистонда яқин қариндошлар билан никоҳ қуришни тақиқлаш таклиф қилинмоқда. Оила ва хотин-қизлар масалалари қўмитаси “Оила кодекси”га шундай ўзгартиришлар киритишни режалаштирмоқда, деб хабар беради Kazinformнинг Ўзбекистондаги мухбири Алихан Асқар.

Жамоатчилик муҳокамасига қўйилган ҳужжатга кўра, Ўзбекистонда иккинчи, учинчи ва тўртинчи даражали қариндошлик муносабатларига эга бўлган шахсларнинг никоҳини тақиқлаш масаласи кўриб чиқилмоқда.

2023 йилда туғма ва ирсий касалликларга чалинган болаларнинг 9,7 фоизи яқин қариндошлар никоҳидан туғилган.

“Таҳлилларга кўра, 2023 йилда туғма ва ирсий касалликларга чалинган болаларнинг 9,7 фоизи яқин қариндошлар никоҳидан туғилган. 2021 йилда бу кўрсаткич 9,1 фоизни, 2022 йилда 8,3 фоизни ташкил этди. Шу билан бирга, энг юқори кўрсаткичлар Сурхондарё (31,6%), Қашқадарё (26%), Сирдарё (13%), Андижон (12%), Самарқанд (10,3%) ва Бухоро (10,1%) вилоятларида кузатилмоқда”, - дейилади ҳужжатда.

Аммо тиббий генетик текширув натижалари никоҳ қуриш ниятида бўлган эр-хотин ва уларнинг бўлажак фарзандларида эҳтимолий касалликлар йўқлигини исботласа, никоҳга рухсат берилади. Бу борада қонун лойиҳасини ишлаб чиққан қўмита Жанубий Корея, Россия, Швейцария, Буюк Британия, Украина, АҚШ ва қўшни давлатлар тажрибасига таянган.

Ота ва онанинг опа-сингиллари, уларнинг фарзандлари, бобо ва бувисининг ака-укалари, уларнинг фарзандлари ва бошқа кўплаб қариндошлар иккинчи, учинчи ва тўртинчи даражали қариндошлар ҳисобланади.

Эслатиб ўтамиз, Ўзбекистонда ота-онаси бир ёки бошқа бўлган ака-укалар ва опа-сингилларнинг никоҳига рухсат берилмайди.