Ўзбекистонда II Халқаро зотдор чорва ҳайвонлари ва паррандалар кўргазмаси бўлиб ўтди

Янги Наманган тумани ҳудудидаги “Ёшлик Барака” чорва ҳайвонлари бозорида “II Халқаро зотдор чорва ҳайвонлари ва паррандалар кўргазмаси” бўлиб ўтди, деб ёзади ЎзА.

20 минг нафар маҳаллий, 300 дан зиёд хорижий меҳмон ташрифи кузатилган кўргазмада жами 500 бош зотдор чорва ҳайвони ва 200 бошдан зиёд парранда иштирокчилар эътиборига ҳавола этилди.

Тадбир сўнгида иштирокчилар ўртасида турли номинациялар бўйича ғолиблар аниқланиб, вилоят ҳокимлигининг эсдалик совғалари билан тақдирланди.