Ўзбекистонда хорижликлар ва мигрантлар учун ОИВ инфекциясини мажбурий текшириш жорий этилади
TASHKENT. Kazinform – Ўзбекистонда мажбурий ОИВ тестини жорий этишни назарда тутувчи қонун лойиҳаси муҳокама қилинмоқда, деб ёзади Kazinform агентлигинг Ўзбекистондаги мухбири Алихан Асқар.
Мазкур чора чет элда узоқ муддат бўлганидан кейин мамлакатга қайтган Ўзбекистон фуқароларига, шунингдек, республикада доимий яшовчи чет эл фуқаролари ва фуқаролиги бўлмаган шахсларга нисбатан қўлланилади.
Ҳужжатга кўра, 90 кундан ортиқ хорижда бўлган 18 ёшдан 60 ёшгача бўлган фуқаролар мажбурий тиббий кўрикдан ўтиши шарт.
Худди шундай талаблар Ўзбекистонга доимий ёки узоқ муддатли яшаш учун келган хорижий ишчилар ва бошқа шахсларга нисбатан ҳам қўлланилади.
Қонун лойиҳаси ташаббускорлари бундай ўзгаришлар зарурлигини юқумли касалликлар, жумладан, ОИВ инфекциясини ўз вақтида аниқлаш истаги билан изоҳламоқда. Ташаббусга меҳнат миграциясининг кенгайиши ва мамлакатга келаётган хорижий фуқаролар сонининг кўпайиши сабаб бўлган.
Агар қонун лойиҳаси қабул қилинса, Ўзбекистон ОИВ инфекцияси тарқалишини назорат қилиш бўйича шундай чоралар кўрган давлатлар қаторига қўшилади.
