Ўзбекистонда 300 га яқин раҳбар иқтисодий ривожланишга эътибор бермагани учун ишдан олинди
TASHKENT. Кazinform – Ўзбекистонда 297 та иқтисодиёт тармоқлари раҳбари ўз вазифаларига совуққонлик билан ёндашгани ва тезкор қарорлар қабул қилмагани учун ишдан бўшатилди, деб хабар беради Кazinform агентлиги мухбири.
Ўзбекистон раҳбари матбуот хизмати хабарига кўра, ишдан бўшатилган мутасаддилар ўрнига янгича дунёқарашли, халқ талабидан келиб чиқиб ишлаш истагида бўлган ёшлар тайинланган.
«Қатъий огоҳлантираман – маҳаллага тушиб, одамларимиз ва тадбиркорлар муаммосини ҳал қилмаган раҳбар ишламайди. Ҳамма ўзгариши керак.
Кўриб турибсизлар, ҳар дақиқа дунёдаги сиёсий ва иқтисодий вазият қийинлашиб, янги-янги таҳдидлар пайдо бўляпти. Уларга бугун жавоб топмасак, кейин кеч бўлади», - деди йиғилишда сўзлаган Ўзбекистон Президенти Шавкат Мирзиёев.
Муаллиф: Алихан Асқар
