Ўтган йили Қозоғистонга 15 миллиондан ортиқ хорижий сайёҳ ташриф буюрди

ASTANA. Kazinform – Ўтган йили Қозоғистонга 15 миллиондан ортиқ хорижий сайёҳ ташриф буюрди. Бу ҳақда ҚР Туризм ва спорт вазири Ербол Мирзабосинов Ҳукумат йиғилишида маълум қилди.

Вазирнинг сўзларига кўра, мамлакатда ички туризм ҳам сезиларли даражада ўсган. 10 миллиондан ортиқ қозоғистонликлар мамлакат бўйлаб фаол саёҳат қилган.

Ербол Мирзабосинов сўнгги йилларда Қозоғистон хорижлик сайёҳлар учун янада очиқ давлатга айланганини таъкидлади. Бугунги кунда Қозоғистонга 87 давлат фуқаролари визасиз, яна 107 давлат фуқаролари эса электрон виза билан киришлари мумкин. Ҳаво ҳаракати кенгаймоқда. “Очиқ осмон” сиёсати туфайли ўтган йили 22 янги йўналиш ишга туширилди. Жорий йилда яна 32 та йўналиш ташкил этилиши режалаштирилган.