Уимблдон: Амир Омарханов илк бор ярим финалда

ASTANА. Кazinform – Амир Омарханов ўсмирлар ўртасидаги жуфтлик баҳсларида Уимблдон турнирининг ярим финалига чиқди.

Қозоғистонлик теннисчи россиялик Егор Плешивцев билан биргаликда чорак финалда жанубий америкалик Коннор Доиг - ҳиндистонлик Криш Тяги билан учрашди.

Қозоғистон-Россия жуфтлиги биринчи сетни брейк билан якунлади – 6:4.Иккинчи сетда 4:2 ҳисобида олдинда бораётган бўлса-да, Жанубий Америка – Ҳиндистон жуфтлиги ҳисобни тенглаштирди. Тай-брейкда Амир ва Егор ғалабани қўлга киритди – 7:6 (10:8).

Учрашув 1 соат 24 дақиқа давом этди.

Шу тариқа, Амир Омарханов спорт фаолиятида илк бор Уимблдон ярим финалига йўлланма олди.

Ўтган йили Амир россиялик Тимофей Дерепаско билан Ролан Гаррос турнирининг ярим финалида ўйнаган эди.

А.Омархонов Қозоғистон тенниси тарихида ўсмирлар ўртасида бундай муваффақиятга эришган учинчи спортчидир.

1997 йилда Ирина Селютина зимбабвелик Кара Блек билан бирга Франция очиқ чемпионати ва Уимблдон мусобақаларида муваффақият қозонди. Амина Раҳим ҳам 2005 йилда Ролан Гаррос финали ва АҚШ чемпионати ярим финалига қадар етиб борган. Бир йил ўтиб у Австралия чемпионатининг ярим финалида ўйнади.

Эслатиб ўтамиз, Амир Омарханов Уимблдон турнирининг жуфтлик баҳсларида чорак финалига чиққани ҳақида хабар берган эдик.