Туркия Ҳурмуз бўғози ёпилган тақдирда фойдаланиш учун муқобил вариантлар устида ишламоқда
Ҳурмуз бўғози нефть ва газга бой минтақа бўлган Форс кўрфази ва Уммон кўрфазини, жумладан Баҳрайн, Ироқ, Эрон, Қатар, Қувайт ва Саудия Арабистонини боғлайди.
— Ҳурмуз бўғози ёпилган тақдирда қуруқлик ва денгиз йўллари бўлиши керак. Шунинг учун биз “Ўрта йўлак” ва “Тараққиёт йўли” лойиҳаларини амалга ошириш учун барча зарур ишларни қиляпмиз. Ҳудудимиз орқали 2,1 минг км “Тараққиёт йўли” ўтади ва биз унга 24 миллиард долларга яқин сармоя киритамиз. Шунингдек, 2,2 минг километри ҳудудимиз орқали ўтувчи “Ўрта йўлак”ни мустаҳкамлашга интиламиз. Биз унинг маълум қисмларини қуришни якунладик, — дея вазирнинг сўзларини келтиради Hürriyet газетаси.
Уралоглунинг сўзларига кўра, “Тараққиёт йўли” қурилгач, Европага товарларни етказиб бериш муддати 25 кунгача, “Ўрта йўлак” орқали эса 13 кунгача қисқаради.
Ўрта (Транскаспий) халқаро транспорт йўналиши Хитойдан Қозоғистон, Туркманистон, Озарбайжон, Грузия, Туркия орқали Европа давлатларига ўтади. Юк ташуви темир йўл ва денгиз транспортини (Каспий денгизи орқали) ўз ичига олади. Йўналиш узунлиги 11 минг км, ўтказиш қуввати йилига 4,5 миллион тоннадан 27 миллион тоннагача.
Европа ва Осиё ўртасидаги узлуксиз транспорт алоқаларини таъминлайдиган “Тараққиёт йўли” лойиҳаси 2023 йилда Ироқ ҳукумати томонидан бошланган. “Тараққиёт йўли” Ироқни қўшни давлатлар билан боғлайдиган тезюрар автомобиль йўллари билан боғланган 1200 км дан ортиқ темир йўлларни модернизация қилади ва қуради. 2024 йил апрель ойида Туркия, Ироқ, БАА ва Қатар ўртасида халқаро транспорт ва логистика тизимини яратиш лойиҳаси бўйича меморандум имзоланган эди. У 17 миллиард долларга баҳоланган.
Аввалроқ Италия ташқи ишлар вазири ва бош вазир ўринбосари Антонио Таяни Эрон Ҳурмуз бўғозини тижорат кемалари учун ёпмасликка ваъда берганини айтган эди.
ТАСС ҳамкор агентлиги томонидан Кazinform учун махсус тақдим этилган.
