Туркистон вилоятидаги қишлоқ аҳолиси спиртли ичимликлардан бутунлай воз кечди

TÚRKІSTAN. KAZINFORM - Спиртли ичимликлар сотилмайдиган аҳоли пунктларида сўнгги йилларда бирорта ҳам жиноят қайд этилмаган, деб хабар беради Kazinform агентлиги мухбири.

Бунинг ёрқин мисолларидан бири Сариағаш туманидаги “Мәдениет” қишлоғида 1500 га яқин аҳоли истиқомат қилади.

“Икки йил давомида бу қишлоқда бирорта ҳам жиноят содир этилмаган. Полиция ходими маҳаллий аҳоли ўртасида ҳуқуқбузарликлар профилактикаси бўйича маърифий ишлар билан ҳам фаол шуғулланмоқда”, – дейди участка инспектори Мурат Толегенов.

Яқинда қишлоқ “Алкоголсиз қишлоқ” лойиҳасига киритилди ва бу ташаббус нафақат маҳаллий аҳоли, балки оқсоқоллар, ижтимоий фаоллар томонидан ҳам қўллаб-қувватланди.

“Спиртли ичимликларни ташлаш анъанавий қадриятларни мустаҳкамлашга ва соғлом турмуш тарзини тарғиб қилишга ёрдам беради. Вилоят аҳолисининг бу қадами уларнинг хавфсиз жамият қуриш, оилавий қадриятларни мустаҳкамлаш, ҳаёт сифати ва ҳуқуқни муҳофаза қилиш органларига ишончини оширишга интилишидан далолат беради”, - дейди Туркистон вилояти маҳаллий полиция хизмати бошлиғи Ермек Усербаев.

Муаллиф: Татьяна Корякина