Туркистон вилоятида биологик фаол қўшимчалар ишлаб чиқарувчи завод қуриш режалаштирилмоқда

ASTANA. Kazinform — Давлат раҳбари Orzax Group компанияси директорлар кенгаши раиси Селман Алимоғлуни қабул қилди, дея хабар беради Kazinform агентлиги Ақордага таяниб.

Orzax Group Қозоғистонда озиқ-овқат қўшимчаларини ишлаб чиқаришга 40 миллион доллар сармоя киритади

Биологик фаол қўшимчалар бўйича жаҳон бозорида етакчилардан бири бўлган компания раҳбарияти билан ўтказилган учрашувда қўшма лойиҳаларни амалга ошириш масалалари муҳокама қилинди.

Қасим-Жомарт Тоқаев Orzax Group компаниясининг Туркистон вилоятида биологик фаол қўшимчалар ишлаб чиқарувчи завод қуриш ҳақидаги қарорини қўллаб-қувватлашини билдириб, ушбу ташаббус мамлакат фармацевтика саноатини диверсификация қилиш ва мамлакат экспорт салоҳиятини оширишга катта ҳисса қўшишини таъкидлади.

Селман Алимоғлу компания нафақат Қозоғистондаги ишлаб чиқариш базасини кенгайтириш, балки тадқиқот ва инновацион йўналишларни ривожлантириш ниятида эканини айтди.

Бугунги кунда Orzax Group 150 турдаги биологик қўшимчаларини ишлаб чиқаради ва 60 та давлатга экспорт қилади. Компания Қозоғистондаги ишлаб чиқариш лойиҳасига 40 миллион доллар сармоя киритиб, 500 кишини доимий иш билан таъминлашни режалаштирмоқда.

Эслатиб ўтамиз, аввалроқ Tiryaki Holding Астанада буғдой ва нўхатни қайта ишлашга сармоя киритиши ҳақида хабар берган эдик.