Трамп: «Trump card» олиш учун 15 мингдан ортиқ хорижлик ариза топширди
ASTANA. Kazinform — 15 мингдан ортиқ хорижлик фуқаролар АҚШда доимий яшаш учун янги рухсатнома — «Trump card»ни олишга қизиқиш билдирди, деб хабар беради ТАСС.
АҚШ ҳукумати улардан 75 миллиард доллар йиғишга умид қилмоқда. Бу ҳақда АҚШ президенти Дональд Трамп маълум қилди.
«Кеча кечаси Trump card олиш учун ариза топшириш сайти ишга туширилгандан сўнг 15 мингдан ортиқ одам рўйхатдан ўтди ва кутиш рўйхатига қўшилди. Бу - бюджетимизни мувозанатлаш ва Американи мустаҳкамлаш учун сарфланадиган 75 миллиард доллар», - деди АҚШ президенти Truth Socialда.
Trump card олиш тизими ҳали ишламаяпти. Шунга кўра, АҚШ ҳукумати ҳали бундай тўловларни қабул қилмаяпти.
АҚШ президенти март ойида Fox News телеканалига берган интервьюсида ушбу янги турдаги яшаш учун рухсатномани “Trump card” (инглиз тилидаги «trump card» ибораси карта ўйинларида «козир карта» деган маънони англатади) деб аташ мумкинлигини айтди. АҚШ маъмурияти раҳбари ушбу карталар савдосидан тушган барча маблағ АҚШнинг 36 триллион доллардан ортиқ астрономик давлат қарзини камайтиришга йўналтирилишини таъкидлади.
Президентнинг сўзларига кўра, бу яшаш учун рухсатномалар 5 миллион долларга сотилади.
«Айтайлик, уларнинг 1 миллионини сотамиз. Бу 5 триллион доллар», — деди у.
Трамп, шунингдек, агар АҚШ расмийлари ушбу карталарни сотиб олган хорижликлар устидан жиддий шикоят қилса, уларнинг пуллари қайтарилиши ва ўз мамлакатларига депортация қилиниши ҳақида огоҳлантирди. Албатта, у ушбу картани сотиб олмоқчи бўлганлар АҚШ махсус хизматлари томонидан “тегишли экспертиза”дан ўтишини ҳам айтди.
Ушбу янги карта хорижий инвесторларга АҚШда яшаш имконини берувчи EB-5 дастури ўрнини босади.
