Трамп оиласи 499 долларлик «Олтин смартфон»ни сотувга чиқаради

ASTANA. Kazinform — Trump Organization компанияси Trump Mobile тармоғини ишга туширишини, шунингдек, Т1 смартфонини «нозик олтин қопламада» чиқаришини эълон қилди, деб хабар берди The Verge.

Trump Mobile ойига $47,45 эвазига ягона чексиз тарифни таклиф қилади. Т1 смартфонининг нархи 499 долларга тенг. Таъкидланишича, у АҚШ ҳудудида ишлаб чиқарилади ва жорий йилда сотувга чиқади.

«Trump Mobile уяли телефонлар ва мобил алоқада инқилоб қилмоқчи», — деди АҚШ президентининг ўртанча ўғли ва Trump Organization вице-президенти Эрик Трамп.

The Verge нашрига кўра, Trump Mobile тарифи бошқа операторларнинг шу каби таклифларига қараганда қимматроқ. Т1 смартфонининг техник хусусиятлари эса ҳайратланарли эмас.

Эслатиб ўтамиз, аввалроқ Маск ва Трампнинг акциялари уларнинг оммавий тортишувидан кейин тушиб кетгани ҳақида хабар берган эдик.