Трамп февраль ойи охиригача Путин билан учрашиши мумкинлигини айтди

ASTANA. Kazinform - АҚШ президенти Дональд Трамп февраль ойи охиригача Россия президенти Владимир Путин билан учрашиши мумкинлигини айтди, деб хабар беради Kazinform агентлиги BBCга таяниб.

Америка президенти Флоридадаги Мар-а-Лагодаги қароргоҳини тарк этар экан, журналистлардан бири ундан учрашув ой охиригача бўлиб ўтадими, деб сўради.

— Эҳтимол, — деб жавоб берди Трамп.

Аввалроқ Россия президенти ёрдамчиси Юрий Ушаков Ар-Риёдда Америка ва Россия делегациялари ўртасидаги музокаралар якунлари бўйича Путин ва Трамп учрашувининг аниқ санасини айтиш қийинлигини айтган эди. Унинг сўзларига кўра, учрашув келгуси ҳафта бўлиб ўтиши даргумон.

Эслатиб ўтамиз, аввалроқ Саудия Арабистонида АҚШ ва Россия ўртасида музокаралар бўлиб ўтаётгани ҳақида хабар берган эдик.