Тожикистонда Марказий Осиёдаги энг узун кўприк қурилади

DUSHANBE. Kazinform - Хитойнинг Zhejiang Communications Construction Group компанияси Тожикистонда кўприк қурилишини бошлайди, деб хабар беради Kazinform мухбири.

Тегишли келишув Тожикистон транспорт вазири Азим Иброҳим ва мазкур компания вакили Ли Минкун ўртасида бўлиб ўтган учрашувда имзоланди.

Вазирлик маълумотларига кўра, қуриладиган автомобиль кўпригининг узунлиги туташувчи йўллар билан бирга 1500 метрга етади.

Келишувга кўра, кўприк халқаро стандартлар асосида қурилади. Унинг қурилиши 4 йил давом этади. Лойиҳага 59,8 миллион доллар ажратиш режалаштирилган.

Эслатиб ўтамиз, аввалроқ Хитойда дунёдаги энг баланд кўприк қурилаётгани ҳақида ёзган эдик.