Тоқаев Марказий Осиё давлатларини “Биоёқилғи” глобал альянси билан алоқа ўрнатишга чақирди

ASTANА. Кazinform — Давлат раҳбари Қасим-Жомарт Тоқаев биринчи “Марказий Осиё – Италия” саммитида минтақа давлатларини “Биоёқилғи” глобал альянси билан алоқа ўрнатишга чақирди.

— Зеро, келажак муқобил энергетика соҳасида экани ҳозир аён бўлди. Кам углеродли иқтисодиётга режали ўтиш Қозоғистон учун устувор вазифалардан биридир. Биз Италиялик ҳамкорларимиздан мамлакатимизнинг қатор ҳудудларида қуёш ва шамол электр станцияларини қуриш бўйича лойиҳаларни амалга ошираётгани учун миннатдормиз, — деди Президент Қасим-Жомарт Тоқаев.

Унинг қайд этишича, Италия замонавий технологиялар эгаси сифатида Марказий Осиё мамлакатлари иқтисодиётини карбонсизлантиришга ҳисса қўшмоқда.

— Минтақада яшил лойиҳаларни қўллаб-қувватлаш ва ушбу углеродсиз ёқилғи етказиб бериш занжирини яратиш учун асосчиси Италия бўлган “Биоёқилғи” глобал альянси билан алоқа ўрнатиш таклиф этилмоқда, — деди Давлат раҳбари.

Эслатиб ўтамиз, Астанадаги Мустақиллик саройида(Тәуелсіздік сарайы) Давлат раҳбари Қасим-Жомарт Тоқаев иштирокида биринчи “Марказий Осиё – Италия” саммити бўлиб ўтмоқда.