Тоқаев: Қозоғистонни хавфсиз мамлакатга айлантириш менинг асосий вазифаларимдан биридир

ASTANA. Kazinform – Давлат раҳбари Қасим-Жомарт Тоқаев “Адолатли Қозоғистон: қонун ва тартиб, иқтисодий ўсиш, жамоатчилик оптимизми” деб номланган нутқида диний экстремизмга қарши кураш ҳақида ўз фикрини билдирди.

“Мамлакатимизда кенг кўламли ислоҳотлар босқичма-босқич амалга оширилмоқда. Сиёсий тикланиш натижасида фуқароларимизнинг ўз фикр ва мулоҳазаларини очиқ айтиши, давлат қарорларини қабул қилиш жараёнига аралашуви учун кенг йўл очилди. Шунингдек, ижтимоий-иқтисодий жиҳатдан ҳам чуқур ўзгаришлар амалга оширилмоқда.

Фуқароларимиз ҳуқуқларини ҳимоя қилиш борасида комплекс чора-тадбирлар амалга оширилди. Асосий мақсад – адолатли жамият яратиш ва унинг шарофати билан бошқа тараққиёт йўлидан бораётган илғор давлатга айланиш. Бинобарин, биз бу борадаги муҳим ислоҳотларни давом эттирамиз, тизимли ишларни тўхтатмаймиз”, – деди Давлат раҳбари.

Қасим-Жомарт Тоқаев мамлакатда кўча ва жамоат жойларида жиноятчилик ва қонунбузарликларга чек қўйилаётганини таъкидлади.

“Менинг асосий вазифаларимдан бири Қозоғистонни хавфсиз ва қулай мамлакатга айлантиришдир. Ҳуқуқ-тартибот идоралари ва бошқа масъул муассасалар зиммасига фуқаролар хавфсизлигини имкон қадар таъминлаш вазифаси юклатилган.

Ички ишлар вазирлиги майда бузғунчилик ва вандализмдан бошлаб хорижликларнинг ноқонуний муҳожирлиги ва бошқа оғир жиноятларнинг олдини олиш ва зудлик билан бартараф этиш вазифасини юклади. Ҳуқуқий давлатда жиноят оламига ўрин йўқ, қароқчиликка барҳам бериш керак. Мамлакатда вайронагарчиликлар келтириб чиқараётган турли экстремистлар, жумладан, диний экстремистларнинг фаолиятига нисбатан ҳам шундай позиция бўлиши керак. Ҳуқуқ-тартибот идоралари профессионаллик, мардлик ва қатъият кўрсатиши керак”, – деди Президент.