Тоқаев: Биз Хитой билан энергетика шартномасини имзолашга тайёрланамиз

ASTANA. Kazinform – ҚР Президенти Қасим-Жомарт Тоқаев Астанадаги Тауелсиздик саройида бўлиб ўтаётган “Марказий Осиё – Хитой” саммитида Қозоғистон Хитой билан энергетика соҳасида барқарор ҳамкорликни ривожлантириш тўғрисида битим имзолашини маълум қилди.

“Энергетика соҳасида ҳамкорлик салоҳияти жуда катта. Биз илғор технологиялар алмашинувини фаоллаштириш ва энергетика инфратузилмасини модернизация қилиш бўйича лойиҳаларга умид қиламиз. Минтақавий энергетика хавфсизлигини мустаҳкамлаш, энергия манбаларини технологик ривожлантириш ва диверсификация қилишга ҳам эътибор қаратиш лозим”, – деди Қасим-Жомарт Тоқаев.

ҚР Президенти икки томонлама ҳамкорликда қайта тикланадиган энергия манбалари соҳасидаги истиқболли лойиҳалар ҳам борлигини таъкидлади.

“Хитой Халқ Республикасининг атом энергетикасини ривожлантириш борасидаги муваффақиятли ва бой тажрибасини инобатга олган ҳолда, биз ушбу стратегик соҳада барқарор ҳамкорликни ривожлантиришдан манфаатдормиз. Яқин вақт ичида шартномани имзолашга тайёргарлик кўряпмиз. Яшил кластер яратиш, қайта тикланадиган энергия манбаларидан фойдаланиш йўналишларида ҳам истиқболли лойиҳалар мавжуд”, – деди Давлат раҳбари.