Tesla Шанхайда Megapack аккумуляторларини ишлаб чиқаришни йўлга қўйди
BEIJING. Kazinform - Американинг Tesla компанияси сешанба куни Шанхайда Megapack энергия сақлаш аккумуляторларини ишлаб чиқаришни йўлга қўйди. Бу ҳақда Kazinform агентлиги мухбири Hinhuaга таяниб хабар беради.
Дастлабки босқичда мазкур мегазаводнинг йиллик ишлаб чиқариш ҳажми умумий электр қуввати қарийб 40 ГВт/соатни ташкил этувчи 10 минг дона Megapack энергия сақлаш қурилмаларини ташкил этади.
Шанхайдаги янги Tesla заводининг умумий майдони 200 минг квадрат метрни ташкил қилади.
Шанхай пилот эркин савдо зонасининг Линьган янги ҳудудини бошқариш қўмитаси маълумотларига кўра, ушбу лойиҳага киритилган сармоя тахминан 1,45 миллиард юанни (тахминан 202 миллион доллар) ташкил этди.
Эслатиб ўтамиз, аввалроқ Tesla Шанхайда Megapack аккумляторларини ишлаб чиқаришни йўлга қўйиши ҳақида хабар берган эдик.
Муаллиф: Руслан Сулейменов
