Тбилисида норозилик намойишларининг 5-кунида содир бўлаётган воқеалар

ASTANA. Kazinform - Тбилиси ва Грузиянинг бошқа йирик шаҳарларида ҳукуматнинг Европа Иттифоқига қўшилиш бўйича музокараларни 2028 йилгача тўхтатиб қўйиш ҳақидаги қарори сабаб норозилик намойиши давом этмоқда, деб хабар беради Kazinform агентлиги DWга таяниб.

Ўн минглаб одамлар кўчаларга чиққан. Полиция намойишчиларга қарши кўздан ёш оқизувчи газ ишлатган.

Намойишлар нафақат пойтахтда, балки Грузиянинг Батуми, Кобулети, Озургети ва бошқа шаҳарларида ҳам ўтказиляпти. 

DW нашрига кўра, Тбилиси ва мамлакатнинг бошқа йирик шаҳарларида ўн минглаб одамлар кўчаларга чиққан. 

Грузия Ички ишлар вазирлиги маълумотларига кўра, Тбилисидаги намойишларнинг дастлабки тўрт кунида 224 киши ҳибсга олинган.

BBC хабарига кўра, полиция намойишчиларни Руставели проспектидаги парламент биноси ва унинг атрофидаги кўчаларига яқинлаштирмаган, бироқ намойишчилар марказда қолган. Полиция вақти-вақти билан намойишчиларга қарши кўздан ёш оқизувчи газ ва сув сепувчи замбараклардан фойдаланяпти, намойишчилар эса петардалар билан жавоб беряпти. 

Аввалроқ матбуот анжуманида Грузия бош вазири Ираклий Кобахидзе Грузия ҳамон ЕИга киришга интилаётганини айтди.

“Мен барчани Европа интеграцияси кечиктирилмаганига, балки максимал куч билан давом эттирилишига ишонтирмоқчиман”, - деди у.

Кобахидзе мухолифат вакиллари билан музокаралар ўтказиш имкониятини ҳам рад этди.