Стол тенниси бўйича жаҳон чемпионатида уч нафар қозоғистонлик иштирок этади

ASTANА. Кazinform — 17—25 май кунлари Қатарда стол тенниси бўйича жаҳон чемпионати бўлиб ўтади.

Миллий олимпия қўмитасидан маълум қилишларича, жаҳон чемпионатида медаллар яккалик, эркаклар ва аёллар ўртасидаги жуфтлик, шунингдек, аралаш жуфтлик баҳсларида ўйнатилади.

Яккалик баҳсларида 128 нафар теннисчи (шундан 32 нафари саралаш босқичи), жуфтлик баҳсларида эса 64 жуфтлик (16 нафар саралаш) иштирок этади.

Қозоғистондан Кирилл Герасименко (яккалик баҳсларида), Сарвиноз Мирқодирова ва Зауреш Ақашева (жуфтлик баҳсларида) иштирок этади.

Қайд этиш керакки, агар сараланган спортчиларнинг бир қисми жаҳон чемпионатида иштирок этишдан бош тортса, мусобақада Қозоғистондан қўшимча спортчилар иштирок этиши мумкин.

Эслатиб ўтамиз, аввалроқ футбол бўйича Қозоғистон миллий терма жамоаси бугун Шимолий Кореяга қарши ўйнаши ҳақида хабар берган эдик.