Шавкат Мирзиёев ҚР Бош вазири Олжас Бектеновни қабул қилди
ASTANA. Kazinform – Ўзбекистон Республикаси Президенти Шавкат Мирзиёев Тошкент халқаро инвестиция форуми доирасида Қозоғистон Республикаси Бош вазири Олжас Бектеновни қабул қилди, деб хабар беради ҚР Ҳукумати матбуот хизмати.
Олжас Бектенов Қозоғистон Республикаси Президенти Қасим-Жомарт Тоқаевнинг табрик сўзи ва эзгу тилакларини етказди. Учрашувда савдо-иқтисодий, транспорт-логистика, саноат, сув-энергетика, маданий-гуманитар ҳамкорлик масалалари кўриб чиқилди.
Ўзбекистон Қозоғистоннинг муҳим савдо шериги ҳисобланади. Жорий йилнинг тўрт ойи якунлари бўйича товар айирбошлаш ҳажми ўтган йилнинг шу даврига нисбатан 9,4 фоизга ўсиб, 1,3 миллиард долларни ташкил этди. Экспорт ҳажми 15,9 фоизга ошиб, 1 миллиард долларни ташкил этди. Асосий ҳаракатлантирувчи куч саноат, автомобилсозлик ва қишлоқ хўжалиги соҳаларида ҳамкорлик бўлди.
