Семейда ўсимлик мойи ишлаб чиқарувчи завод очилди

SEMEY. Kazinform – Семей шаҳрида ўсимлик мойи ишлаб чиқарувчи заводнинг тантанали очилиши бўлиб ўтди. Корхона қуввати йилига 180 минг тонна кунгабоқар уруғини қайта ишлаш имконини беради, ундан 50-60 минг тонна ёғ олинади, дея хабар беради Kazinform агентлиги шаҳар ҳокимлигига таяниб.

Очилиш маросимида шаҳар ҳокими Нурбол Нурсағатов иштирок этиб, «AGRO OIL GROUP» компанияси жамоасини Семей шаҳри учун аҳамиятли корхона ишга тушгани билан табриклади.

Ҳокимлик таъкидлаганидек, янги ишлаб чиқариш объектининг очилиши шаҳар учун катта ижтимоий-иқтисодий аҳамиятга эга бўлиб, у қайта ишлаш саноатини ривожлантириш, бутун ҳудуднинг экспорт салоҳиятини ошириш ва янги иш ўринлари яратишга хизмат қилади. Янги корхонада 50 нафар маҳаллий аҳоли иш билан таъминланди. 

Ишлаб чиқариш жараёни замонавий асбоб-ускуналар ва инновацион технологиялардан фойдаланган ҳолда амалга оширилади, бу эса юқори сифатли маҳсулотларни кафолатлайди. 

Заводнинг асосий мақсади нафақат маҳаллий талабни қондириш, балки Қозоғистоннинг бошқа ҳудудларини ҳам хомашё ва тайёр маҳсулотлар билан таъминлашдан иборат.

Нурбол Нурсағатов бундай корхоналарнинг очилиши Семей шаҳрининг сармоявий жозибадорлиги ошиб бораётганидан далолат беришини, вилоят саноат салоҳиятини юксалтиришини таъкидлади.