Семей шаҳрида Қайрат Рисқулбеков ҳайкали пойига гулчамбар қўйилди
SEMEİ. Кazinform - Қозоғистон Республикаси Мустақиллик кунида Семей шаҳри аҳолиси мамлакат мустақиллиги йўлида ҳисса қўшган қаҳрамонларни ёдга олди, дея хабар беради Абай вилояти ҳокимлиги.
Тантанали тадбирда Абай вилояти ҳокими Нурлан Уранхаев, вилоят маслиҳати раиси Шалқар Байбеков, декабрь воқеалари иштирокчилари, фахрийлар, ёшлар ва шаҳар аҳолиси иштирок этди.
Тадбир бир дақиқалик сукут сақлаш билан бошланди. Шундан сўнг мамлакат давлат мадҳияси янгради.
- Қайрат Рисқулбеков декабрь воқеалари иштирокчиларидан бири. У инсон ҳуқуқлари ва мустақиллиги учун курашда мардлик ва матонат тимсолига айланди. Унинг қаҳрамонлиги Қозоғистон тарихида ўчмас из қолдирди ва ёш авлодга ўрнак бўлди, - деб ёзади ҳокимлик ўз сайтида.
Бугун Қозоғистон Президенти Қасим-Жомарт Тоқаев мамлакат аҳолисини Мустақиллик куни билан табриклади.
