Ролан Гаррос: Данилина турнирнинг 1-ракеткасидан устун келди ва ярим финалга чиқди

ASTANA. Kazinform – Қозоғистоннинг биринчи жуфтлик ўйинчиси, дунёнинг 17-ракеткаси Анна Данилина “Ролан Гаррос” турнирининг ярим финалига чиқди.

Чорак финалда қозоғистонлик теннисчи сербиялик Александра Крунич билан биргаликда “Катта дубулға” туркумига кирувчи турнирнинг 1-ракеткалари чехиялик Катержина Синякова – америкалик Тэйлор Таунсенд билан тўқнаш келди.

Биринчи сетда қозоқ-сербия дуэти 7:5 ҳисобида устунлик кўрсатди.

Иккинчи сетда Синякова – Таунсенд олдинга чиқди – 6:4.

Учинчи, ҳал қилувчи сетда Данилина – Крунич 4:0 ҳисобида олдинга чиқиб олди. Ниҳоят, қозоғистонлик теннисчи тўп ўзатганда, учрашувга нуқта қўйди – 6:2.

Икки соату 28 дақиқа давом этган шиддатли баҳсда Қозоғистон-Сербия жуфтлиги 13 та брейк-пойнтдан еттитасини фойдаланди. Синякова – Таунсенд 11 та брейк-пойнтдан бештасини ишлатди. Шу тариқа, шов-шувли ғалабага эришган Анна Данилина – Александра Крунич финал йўлланмаси учун норвегиялик Эйкери Норвегия – япониялик Эри Ходзуми билан куч синашади. Бу жуфтлик чорак финалда руминиялик Ирина Бегу – бельгиялик Янина Викмайерни 6:4, 6:3 ҳисобида мағлуб этди.