Рим Папаси Францискга икки томонлама пневмония ташхиси қўйилди

ASTANА. Кazinform — Рим Папасининг саломатлиги яна ёмонлашди, деб хабар беради Euronews.

Ватикан сешанба куни кечқурун понтификнинг иккала ўпкасида астматик бронхит фонида ривожланган пневмония ташхиси қўйилганини эълон қилди.

— Лаборатория текширувлари, кўкрак қафаси рентгенограммаси ва понтификнинг клиник ҳолати мураккаб манзарани кўрсатди, — дейилади хабарда.

Аниқлик киритилишича, Франциск антибиотик терапиясидан ўтмоқда.

Бироқ Ватикан матбуот котиби Маттео Бруни понтификнинг кайфияти яхши эканини айтди.

Эслатиб ўтамиз, аввалроқ аҳволи ёмонлашган Рим Папаси даволанишини шифохонада давом эттириши ҳақида ёзган эдик.