Рим Папаси Франциск "мураккаб клиник вазият" туфайли узоқроқ касалхонада ётади

ASTANA. Kazinform - Ватикан понтификда полимикробли респиратор инфекция ташхиси қўйилганидан сўнг унга янги даволаш курси ва қўшимча касалхонага ётқизиш талаб қилинишини маълум қилди, дея хабар беради Кazinform агентлиги Euronewsга таяниб.

— Рим Папаси Францискнинг аҳволи илгари ўйланганидан ҳам оғирроқ ва унинг касалхонада қолиш муддати узайтирилади, — дейилади Ватиканнинг душанба куни берган баёнотида.

Айтилишича, 88 ёшли понтифик полимикробли респиратор инфекцияга чалинган, бу эса “мураккаб клиник вазиятни” ҳал қилиш учун даволаш усулини ўзгартиришни талаб қилади.

Ватикан матбуот котиби Маттеро Бруни даволаниш муддатини айтмади, аммо симптомларнинг оғирлиги "тегишли касалхонада қолишни талаб қилади" деди.

Унинг сўзларига кўра, Рим Папаси Франциск яхши ухлаган, бир нечта газета ўқиган ва нонушта қилган.

Ўтган ҳафта Рим-католик черкови раҳбари Римдаги Агостино Жемелли касалхонасига респиратор инфекция билан боғлиқ "диагностик тестлар" учун ётқизилган. Унинг идораси ушбу ҳафтадаги учрашувлари, шу жумладан чоршанба кунига режалаштирилган ауденция ҳам бекор қилинганлигини тасдиқлади.

У, шунингдек, якшанба куни ҳафталик Angelus ибодатини ўтказиб юборди - деярли 12 йил давомида Папа сифатида иккинчи марта.

Ўзининг ватани Аргентинада ёшлигида у оғир пневмониядан азият чеккан ўпкасининг бир қисмини олиб ташлаган.

2023 йилда у нафас олишда муаммоларга дуч келгани хабар қилинганидан кейин бронхит билан касалхонага ётқизилган.

Эслатиб ўтамиз, аввалроқ Ватикан 88 ёшли Рим Папасининг саломатлиги ҳақида баёнот берган эди.