Президент телерадиокомплекси сув тошқинлари оқибатларини бартараф этиш ҳақида “Серт” ҳужжатли фильмини суратга олди
ASTANА. Кazinform - Ҳужжатли фильмда Давлат раҳбарининг ҳудудларни тиклаш, сув тошқинларидан жабр кўрган аҳолига компенсация тўлаш бўйича топшириқлари ижроси тасвирланган
2024 йил баҳорида Қозоғистонда сўнгги 80 йилдаги энг йирик табиий офат – баҳорги сув тошқинлари юз берди. Атирау, Ақмола, Қостанай, Шимолий Қозоғистон ва Ғарбий Қозоғистон вилоятларида дарёлар қирғоқдан тошиб, катта зарар етказди.
Давлат раҳбари Қасим-Жомарт Тоқаев жабрланган бир қанча вилоятларда бўлиб, ҳодиса кўламини шахсан ўзи баҳолаб, Қозоғистон халқини қўллаб-қувватлади ҳамда Ҳукумат ва вилоят раҳбарларига қатор аниқ топшириқлар берди.
Президент халқни ишонтириб, ёз ва кузнинг 5 ойи давомида жабрланган ҳудудларни ободонлаштириш, етказилган зарарни қоплаш, уй-жой қуриш, инфратузилмани таъмирлаш ишлари шахсий назоратида бўлишини таъкидлади.
Сув тошқинлари пайтида Қозоғистон Республикаси Президентининг телерадиокомплексида «Стихия» ҳужжатли фильми суратга олинди. Орадан 5 ой ўтди. Президентнинг Ҳукуматга берган топшириқлари қай даражада бажарилди, сув тошқинидан зарар кўрган ҳудудлар қандай тикланди, уй-жойи, мол-мулки, чорва молларидан айрилган аҳоли муаммоси тўлиқ ҳал қилиндими? Давлат раҳбарининг мамлакатга берган ваъдаси бажарилдими? Бу саволларга жавобан “Серт” ҳужжатли фильми сув тошқинларидан жабр кўрган Атирау, Ақтўбе, Ақмола, Қостанай, Шимолий Қозоғистон ва Ғарбий Қозоғистон вилоятларининг бугунги кўринишини томошабинга тақдим этади.
