Президент Баҳрайн Подшоҳига табрик телеграммаси йўллади

ASTANА. Kazinform - Қасим-Жомарт Тоқаев шайх Ҳамад бин Исо ал-Халифа ва унинг ватандошларини Баҳрайн Подшоҳлигининг миллий байрами – Мустақиллик куни билан табриклади, дея хабар беради Ақорда матбуот хизмати.

Давлат раҳбари ўз телеграммасида Қозоғистон Баҳрайнни араб дунёси ва Яқин Шарқдаги ишончли ва муҳим ҳамкорларидан бири деб билишини таъкидлади. Шунингдек, у анъанавий дўстлик ва ўзаро ёрдамга асосланган ҳамкорлик бундан буён ҳам ҳар икки халқ фаровонлиги йўлида жадал ривожланиб боришига ишонч билдирди.

Қасим-Жомарт Тоқаев шайх Ҳамад бин Исо ал-Халифага узоқ умр ва Баҳрайн халқига фаровонлик тилади.

Аввалроқ Давлат раҳбари Қозоғистон халқини Мустақиллик куни билан табриклаган эди.