Осиё ўйинлари – 2025: Хоккей бўйича Қозоғистон аёллар терма жамоаси Жанубий Кореяни мағлуб этди
HARBIN. Kazinform – Хоккей бўйича Қозоғистон аёллар терма жамоаси Хитойнинг Харбин шаҳрида давом этаётган қишки Осиё ўйинларининг ҳал қилувчи баҳсида ғалаба қозонди.
Қозоғистон аёллар терма жамоаси “А” гуруҳидаги сўнгги учрашувини Жанубий Кореяга қарши ўтказади.
Ўйиннинг 6-дақиқасида қозоғистонлик ҳужумчи Малика Алдабергенова қулай имкониятдан унумли фойдаланиб, рақиб дарвозасига шайба киритди.
Иккинчи бўлимда жанубий кореялик хоккейчи қоидани бузди ва 5 дақиқага дисквалификация қилинди. Қозоғистонликлар бу имкониятдан фойдалана олишмади.
Учинчи бўлим бошланиши билан қозоғистонлик хоккейчилар ҳужумга ўтиб, ҳисобдаги фарқни оширишга ўтди. 21-рақамли ҳимоячи Юлия Буторина рақиб дарвозасига шайба киритди. Ўйиннинг 53-дақиқасида эса Дария Молдабайнинг узоқдан йўллаган зарбаси голга айланди. Шу тариқа, Қозоғистон терма жамоаси “А” гуруҳида иккита ўйинда ғалаба қозонди.
Энди ушбу гуруҳдаги яна бир ҳал қилувчи ўйин Япония ва Хитой ўртасида бўлиб ўтади. Япония ғалаба қозонса, олтин медални қўлга киритади. Қозоғистонлик спортчилар эса кумуш медалларни қўлга киритадилар.
