Осиё ўйинлари – 2025: Биатлон бўйича Қозоғистон эркаклар терма жамоаси кумуш медални қўлга киритди
YABULI. Kazinform – Хитойнинг Харбин шаҳрида ўтказилаётган IХ қишки Осиё ўйинларининг эркаклар ўртасида биатлон бўйича мусобақалари якунланди.
Биатлон бўйича эркаклар ўртасидаги 7,5 километрга жамоавий эстафетада қозоғистонлик спортчилар: Александр Мухин, Асет Дуйсенов, Кирилл Бауэр ва Владислав Киреев баҳслашди.
Мусобақа якунида йигитлар 1 соат 25 дақиқа 18,7 сония натижа кўрсатиб, иккинчи ўринни эгаллади.
Япония терма жамоаси бир дақиқа олдин келди ва чемпион бўлди. Хитой терма жамоаси эса Қозоғистон термасидан 14 сония ортда қолиб, бронза медалини қўлга киритди.
Эслатиб ўтамиз, бу Қозоғистон делегациясининг Харбин қишки Осиё ўйинларидаги саккизинчи кумуш медалидир.
Бунгача биатлон бўйича қозоғистонлик қизлар жамоавий эстафетада бронза медалини қўлга киритган эди.
