Олжас Бектенов 20 февралгача Солиқ кодексининг янги таҳририни Мажилисга киритишни топширди

ASTANA. Kazinform – ҚР Бош вазири Олжас Бектенов 20 февралгача Солиқ кодексининг янги таҳририни Мажилисга киритиш бўйича топшириқ берди.

Аввало, Бош вазир ўринбосари – Миллий иқтисодиёт вазири Серик Жуманғарин қўшилган қиймат солиғини табақалаштирилган шакллантириш бўйича янги таклифларга тўхталиб ўтди. Шунингдек, у Ҳукумат Солиқ кодексининг янги таҳририни муҳокама қилиш бўйича 6 та ишчи гуруҳ тузилгани ва улар бугундан бошлаб ҳудудларга ташриф буюришларини маълум қилди.

Ҳукумат раҳбари муҳокамаларда иштирок этишини маълум қилди.

«Биз умумий таклифларни қўллаб-қувватлаймиз. Шу ҳафтада ҳудудларга бориб, аҳолининг барча тоифалари билан атрофлича муҳокама қилиш зарур. Астана ва вилоятларга ҳам ташриф буюраман, муҳокамалар ўтказаман. Бу борадаги ишлар натижаларидан келиб чиқиб, 20 февралга қадар Солиқ кодекси ва тегишли қонунлар лойиҳаларига ўзгартиш ва қўшимчалар киритилиши лозим. Биз Мажилисда муҳокамани давом эттирамиз», – деди Олжас Бектенов.