Мусиқачи аёл бўлгани учун Эрон ҳукумати концертни тўхтатди

ASTANA. Kazinform – Эрондаги концерт мусиқачи аёл бўлгани сабаб бекор қилинди. Бу ҳақда Эрондаги Инсон ҳуқуқлари ташкилоти маълум қилди, деб ёзади Report.

Маълумотларга кўра, 5 февраль куни Исфаҳонда “Лиана” мусиқий гуруҳининг концерти бўлиб ўтиши керак эди. Бироқ мусиқачилар орасида аёл киши борлиги сабабли концерт бекор қилинди.

Айтилишича, концерт ўтказиш учун барча ваколатли идоралардан олдиндан рухсат олинган.

Мусиқий гуруҳ раҳбари Моҳсен Шарифиан. Унинг қизи Лиана Шарифиан ҳам гуруҳ аъзоси. Унинг иштироки туфайли концерт тўҳтатилди.