Михаил Кукушкин Португалия турнирида россиялик теннисчини мағлуб этди

ASTANА. Кazinform — Қозоғистонлик, дунёнинг 195-ракеткаси Михаил Кукушкин Порту (Португалия) челленжер турнирини ғалаба билан бошлади.

Қозоғистонлик теннисчи илк учрашувини рейтингда 247-ўринни эгаллаб турган россиялик Аслан Карацевга қарши ўтказди.

Биринчи сетда Кукушкин тай-брейкда матонат кўрсатди — 7:6 (9:7).

Иккинчи сетда ғалаба қозониш учун унга бор йўғи бир брейк керак бўлди — 6:4.

1 соату 45 дақиқа давом этган баҳсда Кукушкин 7 та эйс билан бирга 4 та брейк-пойнтдан 1 тасини фойдаланди. Карацев 10 та эйс билан ажралиб турди.

Михаил Кукушкин чорак финал йўлланмаси учун жаҳон рейтингида 232-ўринни эгаллаб турган швециялик Элиас Имер билан куч синашади.

Эслатиб ўтамиз, аввалроқ кетма-кет икки турнирда чемпион бўлган Александр Бублик ТОП-25 га кирганлиги ҳақида хабар берган эдик.