Маск Twitter тармоғига ўзгартириш киритишни таклиф қилди

NUR-SULTAN. Kazinform – Америкалик бизнесмен Илон Маск Twitter Blue барча пуллик обуначиларига тасдиқланган ижтимоий тармоқ фойдаланувчиси мақомини беришни таклиф қилди. У бу ғояни Twitter саҳифасида маълум қилди, дея хабар беради Kazinform.

«Ҳар бир Twitter Blue обуначиси (яъни ойига 3 доллар тўлайдиганлар) аутентификация токенини олишлари керак», — деб ёзган Маск.

Эслатиб ўтамиз, у яқинда Twitterнинг асосий акциядорига айланди. Тадбиркорнинг айтишича, обуна нархи АҚШдан ташқаридаги тармоқ фойдаланувчилари учун ҳам қулай бўлиши керак. Шунингдек, у Dogecoin криптовалютаси орқали тўловларни амалга ошириш имкониятига шама қилди.

Маск обуна функциясини тубдан ўзгартиришни таклиф қилди.

«Нарх ойига 2 доллар атрофида бўлиши керак, лекин сиз 12 ойга олдиндан тўлашингиз керак. Аккаунт фақат 60 кундан кейин қанот ёрлиғини олади. Ва агар саҳифа фирибгарлик ёки спам учун ишлатилса, у блокланади ва тўланган пул қайтарилмайди», — деди тадбиркор.